Краеведческий музей "Истоки"

Наш музей

Краязнаўчы музей “Вытокі” дзяржаўнай установы адукацыі “Юрацішкаўская сярэдняя школа Іўеўскага раёна” дзейнічае з 1 верасня 1999 года.

Кіраўнік музея: Кнутовіч Кацярына Міхайлаўна, настаўнік гісторыі.

Час працы: 9.00 – 15.00

Школьны музей адлюстроўвае вузкія лакальныя тэмы гісторыі роднага краю.

Падрыхтаваны і праводзяцца экскурсіі па наступных тэмах:

• У гасцях у Юраты;
• Вялікая Айчынная вайна на тэрыторыі Юрацішак;
• Канцэнтрацыйны лагер у Юрацішках;
• След Афганскай вайны;
• Ад народнага вучылішча – да сучаснай школы;
• Інтэр’ер вясковай хаты.

Экспазіцыі музея

Экспазіцыі прадстаўлены ў дзвюх экспазіцыйных залах – гістарычнай і этнаграфічнай.

Матэрыялы гістарычнай залы знаёмяць з гісторыяй Юрацішак ад першага ўпамінання ў пісьмовых дакументах да цяперашняга часу, дакументамі і матэрыяламі, якія расказваюць пра падзеі Вялікай Айчыннай вайны на тэрыторыі Юрацішак і ваколіц, аб станаўленні калгасаў і развіцці сацыяльнай сферы ў пасляваенны час, аб жыцці пасёлка Юрацішкі ў цяперашні час, аб воінах-афганцах, уражэнцах нашай мясцовасці, культурна-асветніцкай дзейнасці ўстаноў адукацыі, кіраўніках і настаўніках, а таксама аб вядомых выпускніках школы.

У этнаграфічнай зале, якая прадстаўлена экспазіцыяй “Вясковая хата”, размешчаны прадметы быту, упрыгожання жылля, прыстасаванні гаспадыні для прыгатавання ежы і падтрымання чысціні і ўтульнасці ў доме, гаспадарчыя драўляныя і гліняныя ёмкасці, вырабы з лазы, саломы, ільну і іншыя экспанаты, якія расказваюць пра жыццё людзей нашай мясцовасці ў канцы XIX – першай палове XX стагоддзя.

Виртуальный музей "Истоки"